गजल

बगेको छ यौवन समालौ कहाँ पो!

कसेरै तनलाई अगालौ कहाँ पो!!

झुकेका नयन यी इसारा दिदैछन्!

छ दागी जवानी पखालौ कहाँ पो!!

कसैको दिलैमा बसेहै नजानी !

छ पीडा यो मनमा म फालौ कहाँ पो!

म यात्री अघोषित् छ आशा जितैको!

जितेरै यो झण्डा उचालौ कहाँ पो!!

निराजन प्रभात लुइँटेल भद्रपुर नगरपालिका १३ हाल दोहा कतार

गजल

गजल

प्रेमको जाल तिमी तिर, हान्नु गल्ती भो ।
तिमीलाई जिवनसाथी, ठान्नु गल्ती भो ।

मेरी मुटु तिमीलाई , चुनेको थेँ हज्जारौंमा,
लाखौं बिच तिमीलाई, छान्नु गल्ती भो ।

कती थियो माया मेरो, दुत्कारेर छाडी गयौं,
चुम्वन गरी अँगालोमा, बान्नु गल्ती भो ।

पागल भा'छ प्यासी आज, त्यो मनमा मन साट्दा,
त्यो  दिललाई  यो  दिलमा, तान्नु  गल्ती भो ।

सारा नाता तोडी सानु, भन्दै माया गरेको थेँ,
मन भित्रकी प्यारी रानी, मान्नु गल्ती भो ।

♥ कृष्ण प्यासी, राजगढ़, झापा। 

गजल

गजल

दु:खमा साथ हातमा हात राखेर बाँचेको तराइ सँग पहाड मिली हिमाल हाँसेको || पहाड दुख्दा मधेश रुन्छ झारेर आँसु त्यो विपत्ति पर्दा छल्किन्छ मायाँ लुकाई राखेको || बचाउ भन्दै साहारा माग्छ विपती बोकेर बगाई आँसु रुँदै छ देश खोइ आँसु पुछेको || नेपाल आमा दुखेको बेला मल्हम बनेर पार्नु छ निको आमाको घाउ मुटुमा लागेको || देशको सेवा गर्ने छौं भनी कसम खाएर समाई हात अगाडि बढौं पुग्ने छ आँटेको ||
♥ सावित्रा लुइँटेल घिमिरे
झापा बिर्तामोड हाल-इजरायल

गजल